لا صرت بايعني .. اشوفـك علـى خيـر
مع السلامـه .. دام مـا بـه سلامـه !!
قلت : انتهينا؟ قلت لك : خير يا طيـر !!
مانـي بـاول شخـص يخسـر غرامـه
محـذرك مـن قبلهـا الــف تحـذيـر
لا عفتنـي بيعيـف قلـبـي هيـامـه ؟؟
مانيـب ميّـت لا ! ولا احتـاج تبـريـر
صـح الله لسانـك .. ووفــر كـلامـه
بسمعك .. حبكه .. وفكـره .. وتصويـر
وافهـم عـدل يـا مـدعـي بالفهـامـه
وجه الشعر ( ابيـض ) ويحتـاج تغييـر
ودي تزيّـن هالقصـيـده ( عـلامـه )
ماضيك ( الاسود ) بذكـره دون تقصييـر
كذا يكون بخد هالشعـر .. ( شامـه !! )
يصدق معـي تعبيـر .. ويخـون تعبيـر
يا ضيعة الشاعـر .. بوقـت انسجامـه !
يمكـن خطـا ادونـك بالشعـر ؟! ميـر
لو مـا احترمتـك ؟ للغـرام احترامـه !!
ما كان حبك غيـر بـس طعنتـك غيـر
علمتـنـي معـنـى الـنـدم والنـدامـه
مـا جـاك منـي اي زلــه وتقصـيـر
كل مـا خطيـت اعاتبـك .. بابتسامـه ؟
حسبي على الذكـرى اذا هبـت عصيـر
مـا عـاد تنفـع شرهـتـي والمـلامـه
البال ( ضامي ) وقتها والحـزن ( بيـر )
( خسرتك ) وهمي ( **بت ) اهتمامـه!!
والليل فازع لـك كـذا !! جانـي مغييـر
ظلمتـنـي واكـثـر ظلمـنـي ظـلامـه
لا اقبل علي اوحييـت صـوت المساييـر
وفزيـت كـل ضيـف ٍ اقـوم بمقـامـه
وليا عزم هالليـل ( ضيقـه وتفكيـر ! )
قلّـي بربـك كيـف بـقـدر انـامـه ؟؟
مـا فيـه داعـي للعـتـب والمعـاذيـر
الغدر ( خال ) الجرح واطيّب ( عمامه ) !!
أما يجيـب الله مطـر .. تالـي وخيـر ؟
ولا السلامـه مـااااش مامـن سـلامـه