السلام عليكم ورحمة الله وبركاته كما عودناكم دائما بالشي الذي يحوز على رضائكم
وهذه مشاركتى الجديده واعذرونا على القصور مابي اطول عليكم اليكم القصيده وانتظر تفاعلكم....
فقدتك ولازلت بداخل القلب موجود
فقدتك ولازلـت بحياتـي الانفـاس
فقدتك وكل يوم طيفـك لـي يعـود
فقدتك واشوفك دوم بزحمة النـاس
حبيبي لك بالحشـا منـزل وجـود
ولك حـب شامـخ وقـوي سـاس
ولك شوق ياصلك بالسمـاء رعـود
ينزل عليك بصوت قـرع مـرواس
غيابك طال والعمر بأيامـه معـدود
والقلب يشيل واحد وغيـره ينـداس
وكلام الناس صار جـارح ومنقـود
وكل(ن) يقول الحب ياصاحبي بقياس
الحب عندي مايبالـه اليـوم شهـود
وكل(ن) على ليلاه يغني بالاحساس
ماهمنـي لـو اذوق العـذاب وزود
ولاهمني من وراي طعنـة الفـاس
همني بالدنيا حبيبي اخضـر العـود
انه يعود واسمع صوت الاجـراس
صحيح انه تركني وحيد بين الوجود
لكن حبيبي وعشقي له على الـراس