...
ياصاحبي لاتقول الخـوّه الخـوّه
هذا كلامٍ يبي له قلـب ولسانـي
هذا كلامٍ يبي له صدق وامـروّه
ماهوب لاغبت عنك شوي تنساني
يالعنبو الصاحب اللي تنطفي ضوّه
لاجيت ابي نفعته قفّـا وخلانـي
حد الدعاوي ماغير اهروج ياقوّه
يصنع لي الفلك قبل الموج يوطاني
وان عوّدت فالكلام الصدق ياشوّه
يصد لاشـاف زولـي ويتعدانـي
ياللي مع الوقت متغيّـر ومتمـوّه
سرّك عرفناه واللي مختفي بانـي
اثر الخلل فيك يالماخوذ من جـوّه
القلب تعبـان والتفكيـر تعبانـي
واليوم فرقاك حج وبعـدك منـوّه
ومانيب لاغبت من فرقاك خسراني
ماعاد لي في خِيالٍ ماصدق نـوّه
ازريت اجامل مزاج فلان وافلاني
يا نافدا الصاحب اللي صافيٍ جوّه
لاجيت ناصيه رحّب بي وحيانـي
اما قضى الحاجة اللي منه مرّجوّه
والا تعذر بعذرٍ منـه وارضانـي
هذاك يستاهل امدح فيـه وانـوّه
وافرح بعد يوم ينصاني ويلقانـي
فان الشدايد تبيّن صامـل الخـوّه
والا الرخى كلبونا ربع واخوانـي
تــحــيــاتــي
[::::::][يالعنبو الصاحب اللي تنطفي ضوّه^:^لاجيت ابي نفعته قفّـا وخـــلاني][:::::::] 
العرض العادي
