هواالشاعر: سليمان صالح الهويدي يرجع نسبه الى العضدان
من الجلال من الصقور من عنزه. من مواليد 1927م من مواليد دولة الكويت..
كتب الشعر في المدح ,الرثاء وبرع في شعر الغزل وايضا في القضايا الاجتماعيه...
وكان يعشق رحلات البر والقنص وتربية الصقور و الخيول والابل..
ومن اهم اعماله:عمل كمشرف لتراث الباديه في اذاعة دولة الكويت وقدم برنامج
فنون من الصحراء وبرنامج الوان شعبيه ومجالس العرب وكان من المؤسسين لديوانية
شعراء النبط
دواوين الشاعر:مجالس العرب وذكريات الصبى واصدر ابناءه بعد وفاته ديوان رسم الكلام.
وقد عانى الشاعر من مرض القلب من سنة 1983م الى ان توفي سنة 2000م..رحمه الله.
وقد اخترت لكم بعض الابيات من قصائد الشاعر وانشالله تعجبكم..
قــال الشـاعـر فــي مـــدح وطـنــه الـكـويـت:
ياربنا تحسن اخلاقـي مـع اعمالـي.........واعوذبك من هوى النفس ومخاطرها
اكرمتنا في نهوض كويتنـا الغالـي.........دار الاجاويـد رب البيـت ناصرهـا
دار يجي ذكرها دايـم علـى بالـي.........ماهي بخيلـه ولا ننسـى برايرهـا
والفخر برجالهـا ذربيـن الافعالـي.........هم سورها اللي حموها عن مخاطرها
في ظل شيخ عريب الجـد والخالـي.........ابومبارك اليـا كبـرت محاضرهـا
وقـد قـال الشاعـر هـذه القصيـده عنـد زيارتـة للمملكـه:
جيت الرياض اللي لها طيب الاذكار..........دار الملـوك اللـي بعيـد نظرهـا
دار السعود اللي تحامي عن الجـار..........هـذي عوايدهـم ولا أحـد نكرهـا
يانعـم بالمقـرن الياصـار ماصـار...........كـل يـعـد افعالـهـم ويخبـرهـا
عبدالعزيـز ارث طويليـن الاشبـار.........عقبان نجد اللـي يـداري خطرهـا
وقـال الشاعـر فـي الغـزل الكثيـر.. منهـا هـذه الابيـات:
صاحبي يلبس البرقع ماهي عادة لـه..........مير اخذ سلم جيرانه وصارت طبيعه
مثل من قال لاجيت الوطن خذ دلـه...........اتبع الناس وان ماطاعك الوقت طيعه
هيه ياللي اكلفكـم علـى برقـع لـه..........وسعو قرضته ترى عيونـه وسيعـه
فصلـو لـه حريـر ناعـم مايملـه...........حيث بشرة خـدوده بالتأثـر سريعـه
صاحبي لاهرج تشفق على هرجتلـه...........من حلاوة كلامه كن هرجـه يبيعـه
وايــضـــا قـــــال فــــــي الـــغـــزل:
ليت من يدري عن الزيـن وشلونـه...........فاقـده مـن مـدة ايـام ماجـانـي
طمنونـي عنـه ياللـي تمـرونـه............جعل سيد البيض ماهـو بمرضانـي
أن نشدكـم يابعـد عينـي عيـونـه............خبـروه انـه بـلا قلـب خـلانـي
خبروه انـي اقاسـي مـن طعونـه............لاتشاوى الجرح الأول ظهـر ثانـي
ومــــــــن غــــزلــــه ايــــضــــا:
ياهـيـه يـابـو شـعـر فـلــه..........الـلـي عـلـى المـتـن نـثـاره
وقذيـلـتـك بـالـهـوى هـلــه.........وعيـونـك الـشـعـل جـبــاره
بالعـون وقـتـك عـلـى حـلـه.........حـلـوه وتسـوقـيـن سـيــاره
مـانــي معـاتـبـك بـالـزلـه.........يـومـك تموحـيـن بـالـطـاره
تـركـت لــك سـايـدي كـلـه........فوتـي عسـاهـا لــك اسـفـاره
وهـــذه القـصـيـده قـالـهـا فــــي مــرضــه:
يابوعلـي مانـي بضامـن حياتـي..........والموت من حاتـاه يابوعلـي مـات
عسى مـا امـوت الاكبـار بناتـي.........يمشـن سعيـدات ولاهـن يتيمـات
ان مت قبلي صفـوة الخلـق ماتـي.........ماتـو مشاكيـل وماتـن عفيـفـات
مافات من عمـري فلاهـوب ياتـي...........والحـي لابـده يعـود لـلامـوات
وقـال الشاعـر ايضـا هـذه القصيـده يرثـي نفسـه فيـهـا:
انا ارثي الناس والا ارثي على حالي........عزي لنفس ماهـو مرتـاح راعيهـا
قولو لسالم تراني شفـت الاهوالـي........والله اعلـم يابـو باسـل بتاليـهـا
وبعد وفاة الشاعر رثاه ابنه وائل سليمان الهويدي بهذه الابيـات:
مرحوم مرحوم ياسـور لنـا عالـي........ انـت ذرانـا اليـا زادت بلاويـهـا
لوكان ما اشوف زولك بين الازوالي.........لك صورة مستحيل المـوت يمحيهـا
مهما بكينـاك هـم القلـب مازالـي.......العين يابـوي هلـت لـك عباريهـا
اطلب عسى الله يروف بحالك وحالي........والله يصبـر قلـوب راح غاليـهـا
من هوووا 
العرض العادي
