هذاك المار قدامي وله نظرات قتاله
........ له سكسوكتن حلوه باقصى الوجه مرتسمه
حرمني النوم في ليلي حرمني النوم عقباله
....... يحس الشوق في صدره ذبحه وزاد في همه
أحب امه احب عمه احب حده واحب خاله
....... اموت بنظرة عيونه واعشق كل حروف اسمه
احب جده واحب هزله اذوب وحالتي حاله
....... واذا يطروه قدامي احس بداخلي صدمة
ذبحني بكثر ماشتاقه ذبحني بكثرة اشغاله
....... شغلني جنن قلبي فصلني من على الخدمة
يا ليت اقدر اصير بيوم شين دايم قباله
....... وراه بكل مكان يروح شين غالي يهمه
يا ليتني ساعة بيده أو أرقامن بجواله
....... يطقطقني على كيفه ولا احفظ سوى رقمه
أنا ادري انه يعاني وأدري صعبه احواله
....... قلبي ما يطاوعني يبي دايم اهو يمه
أنا ما يهمني ربعه وعذالي وعذاله
....... أحبه بكل جنون الحب والاحساس والذمة
صحيح انه يكذبني وظنونه على باله
....... لكني بعلمه كيف هو دمي وأنا دمه
يقول إني أنا أنسى !! فال الله ولا فاله
....... لو بانسى انا نفسي ما انسى ابد رسمه
يا قلبي شوفلي حلن يحبني صارلي عاله
....... ياإما تجيبه لعندي والا اطلبه من امه
السكسوكه 
العرض العادي
