أنا مالي ومال الهمـ وانا صبري نفذ حدهـ
واذا صبري نفذ حدهـ اعانق صبري الثاني
غريب الحزن رافقني وكن جدي اخو جدهـ
احس الهمـ في قلبي واذوق الهمـ بلساني
بنيت الأنس في قلبي وعنيد الحظ بي هدهـ
أنا أشعل قناديلي ولكن كيف طفاني
عسا من باقي أيامي تبدل شوكتي بوردهـ
والأمس فرحتي دايمـ واغني بأحسن الحاني
وانا حزني اذا ودع شقى الأيامـ لي ردهـ
خفايا وقتي الجاير تمكن وسط وجداني
كثير الهمـ في قلبي ترى تتعب اذا تعدهـ
وترى هذا مقدر لي وراضي بكل ما جاني
ترى مسكين من مثلي يبين الخافي بسدهـ
احاول اكتمـ الخافي ولكن صعب كتماني
حمامـ الفرح يتعلى ومنهو يا هلي هدهـ
يلوموني على أفراحي ويلوموني على أحزاني
أنا وش عاد بيديني ولو طالت بي المدهـ
أسامر ليلتي واسأل متى يا همـ تنساني ؟
مناي ومنوتي يرضى علي ربي وانا عبدهـ
ويعوضني بشي فات ويعوضني حرماني
تحيتي لكــــــم
!!.!! غـــريب الحـزن رافقنـي !!.!! 
العرض العادي
