على الله يازمن بشكي جروحي والليالي طوال

عسى راع العنا ينسى عناه وينشرح صدره

((على الله يازمن بشكي همومي والهموم جبال))

تعدت عاصمه حزني حدود العالم بأسره

خساره يالسنين اللي كتبتي قصه الترحال

((فرحت امس وحزنت اليوم بس الخوف من بكره))

نساني كم شكى صمته واليا منه حكى ماقال

((ترى طبع السكوت زينه المحروم من صغره))

((سقى الله يوم انا كنت اضحك وبالي مريح البال))

كبرت وكبرت احلامي وصارت قصه الترحال

اماني في مهب الريح حلما ماأكتمل سحره

عزيزه يالعيون اللي حظنتي دمعه الترحال

حبستي دمعته بين المحاجر يوم ضاع عمره

عزيزه يالحروف اللي سكنتي والكلام يقال

حكيتي ماشكيت الهم وهم القلب ياكبره

((عزيزه ياليدين اللي بنيتك بأصعب الأحوال

أكفك ساعه الحاجه وأمدك ساعه القدره))

((عزيز النفس لو يصبر على صبر الليالي نال

وأبصبر والحزين يصبر ومقياس الحزن صبره))

((أنا منهو حمل همه على راسه تقول جبال

مجاديف الزمن دارت عليه ولايدري وش القدره))

وأنا منهو فقد صوته وبعض الصوت دمه سال

دعيت الله يفرجها علي وبحت انا النظره

((((أشيل الحمل عن غيري وحملي صار ماينشال))))

كما الشيخ الهزيل اللي مشيبه منقضاً ظهره....

ماشاء الله عليك المشتاق مستوي شاعر
قصيدة الرائع
يعطيك الله العافية