وين انت يا حمدان امـك تناديـك .. وراك مـا تسمـع شكايـا وندايـا
يا مسندي قلبي على الدوم يطريـك .. ما غبت عن عيني وطيفك سمايـا
هذي ثلاث سنين والعيـن تبكيـك .. ما شفت زولك زايـر يـا ضنايـا
تذكر حياتي يـوم اشيلـك واداريك . . والاعبـك دايـم وتمشـي ورايـا
ترقد على صوتي وحضني يدفيـك .. ما غيرك احدٍ ساكن فـي حشايـا
واليا مرضت اسهر بقربك واداريك .. ما ذوق طعم النوم صبـح ومسايـا
ياما عطيتك من حنانـي وبعطيـك .. تكبـر وتكبـر بالأمـل يـا منايـا
لكن خساره بعتني اليـوم وشفيـك .. واخلصت للزوجه وانا لي شقايـا
انا ادري انها قاسيـه مـا تخليـك .. قالت عجـوزك مـا ابيهـا معايـا
خليتني وسط المصحه وانا ارجيك .. هذا جزا المعروف وهـذا جزايـا
يـا ليتنـي خدامـة بيـن اياديـك .. من شان اشوفك كل يوم برضايـا
مشكور يا ولدي وتشكر مساعيـك .. وادعـي لـك الله دايـم بالهدايـا
حمدان يا حمـدان امـك توصيـك .. اخاف من تلحق تشـوف الوصايـا
اوصيت دكتور المصحه بيعطيـك .. رسالتـي واحروفهـا مـن بكايـا
وان مت لا تبخل علـي بدعاويـك .. واطلب لي الغفران وهـذا رجايـا
وامطر تراب القبر بدموع عينيـك .. ما عـاد ينفعـك النـدم والنعايا
أقوووووووووووووووووول من خاطري ليا ضاااق
ياماحـلا دلــــــــــة أمــي تسويـهـا
تجلي عن الكبد حر سببـه احـــــراق
ان اقبلت كن نور الشمس كاسيهـا
وان ادبرت نص ساعه لشوفه اشتاق
احب شوفـه وقلبـي دوم مغليهـا
كملها ربي بحسن وزيـة اخــــــــــلاق
ربي جعل جنته من تحـت رجليـها
مـــن عظمها زاد حـــبه داخل اعماقـي
لاضاق صدري وضمتني بياديهـا
يروح ماحــس به في داخلي ضاقـي
لو روحي فدوة لها ماني مجازيهـا
ياكيف اغطي بديني نـــور الاشـراق
تسهر على راحتي والنـوم جافيهـا
لو ابكي دمعن بكت دم من اشــواق
حب صدوقن وصادق في معانيهـا
قلبي على شوفهـا بالحيـل تـــواق
يمه دخيلك عن الدمعـه وطاريهـا
لاشفتها فوق خـدك كنهـا سـاق
كن السما ضاقت بنفسي واراضيـها
مالي مقر بهـا لـولا الله الباقـي
كلـن تغـزل ولكـن مايسميـهـا
وانا بقول ان امي آخـر اشواقـي
ادعي نهاري عسى ربـي يخليهـا
عساه يوم يقبل يـوم بـه فراقـي
واخر كلامي يامزعل امك ارضيها
ان كانك تخاف يوم الساق بالسـاق
ولاحياتـك نـدم لاتعـد ماضيهـا
هذاكلامن كتبتـه وجفـت اوراق
ــــــــــــــــــــــــــــــــــــــــــــــــــ ــــــ
ماغيرها تاجي على حاجب العين
أمي ولاأحد(ن)في العرب غير أمي
م\ن
الله يحفظ امهاتنا ويرزقنا برهن،، 
ياما عطيتك من حناني وبعطيك،، 
العرض العادي
