السلام عليكم ورحمة الله وبركاته
هلا باللي اشوف الويـل لـو يبعـد دقايـق
=دقيقـه مـن غيابـه كـن هالدنيـا عليـه
وبعد اكثر يضايقني الى من صـار ضايـق
=على وسع الفضا لكن بوسعه ضـاق بيـه
واحس الكون كلـه يبتسـم لاصـار رايـق
=احـس الكـل يهنينـي وينطـق واهنيـه
غلاه اكبر من عهود(ن) محيطـه بالوثايـق
=واصونه ضعف صون الشهم بالدنيا لخويه
انـا ماقـول بفراقـه براكيـن وحـرايـق
=لان امفارقـه عـنـي بدنيـايـه منـيـه
اذا ماشفت زوله في منامـي قمـت فايـق
=وبدل في مكاني لجل فـي شوفـه رجيـه
غريب الطبع مايوصـف عليـه الله سايـق
=دلع مع رق لا كن الدلـع والـرق خيـه
على كثر الجمال اللـي تـدرج بالخلايـق
=حشا لويجتمع ضده عجـز ماهـو بزيـه
جسم مع طول وعيون(ن) على الذبحه سبايق
=لك الله من يناظرهـن يفـارق دون ديـه
فرق حسنه وقفـل بالشبـه كـل الطرايـق
=حسين(ن) ينخجل منها الحلا يعطي تحيـه
معاني الكون في حقـه قليلـه لـو حقايـق
=نضيق المفردات وتصبح بوصفـه رديـه
نعـم آمـر تدلـل كلهـن عنـده رفـايـق
=متى ماراد في نفسه طلـب فـزن سويـه
اذا شفت الخطا منه ضحكت وقلـت لايـق
=ولو غيره على نفس الخطـا لعنـت بيـه
لان القلـب سامحلـه ولاغيـره بطـايـق
=يسـر القلـب بفعالـه وغيـره لا اذيـه
عليه افكار من شافـه يقـول انسـان بايـق
=ولاهو بوق بس ان الدلـع يطغـى شويـه
يبي يعرف غلاته وش كثـر مانـي بذايـق
=غشيم(ن) مادرى عمري اذا اشـر هديـه
اذا طعم السعاده مـال وقصـور وحدايـق
=انـا شوفـه وقربـه كـن هالعالـم بديـه
اخـاف الله رب الكـون فكـاك العـوايـق
=والا كـان قلـت ان الولـي سـواه ليـه
قصيده من قصايدي 
العرض العادي
