السلام عليكم اخواتي واخواني:
هذا حوار شعري بين بوش وبلير.
هذي مساجله شعريه بين بوش ... وبلير
هذي المحاوره جرت بين الشاعرين بوش بن بوش وتوني بلير ...!!
حيث جاء بلير الى امريكا لحضور المؤتمر الثنائي مع بوش ...!!
وعندما دخل على بوش في صالة الاجتماع بدأ بهذه المحاوره ...!!
وقام بوش بالرد عليه فوررررررررررررررا ...!!
ارجو ان تحوز على رضائكم واستحسانكم ....!!!
* * * * * * * * *
بليررر
لله لا يجزاك بالخير يابـــــــوش
ورطتنا في حرب صدام ورطه
عزمتني وتقول بترول وقروش
بس الحقيقه روحتي معك غلطه
بوووش
يا بلير رد العلم عن بوش بن بوش
الله خلقنا للمقاريد سلطه
وابوي عنده للرجاجيل دنبوش
كم واحد شلنا فلوسه ونفطه
بليررر
ابوك والنعمين مير انت مربوش
تموت بالبترول وتحب شفطه
صحيح عندك مال وسلاح وجيوش
مير اتوقع لك تدهور وسقطه
بوووش
يا بلير كانك خفت يوم احتمى الهوش
حرام ما تاخذ من النفط نقطه
مثلك ترى شيراك قد راح مكـــــروش
شوفه يصرخ كل يوم بمحطه
بليررر
وراك ما تعطي شيراك عــــرمــوش
ترا مشغلنا بشيله وحطـــــه
وليا انتهى موضوعنا نرسل طروش
ونجمع المبلغ من الربع قطه
بوووش
شيراك هذا عنده الفكر مغشوش
فرط علي في مجلس الامن فرطه
يدزه اليابان والصين ويطـــــوش
ومجهز الفيتو لتحقيق شرطـــــه
بليررر
يابوش انا مرهق وخايف ومدهوش
وانته تقول الحرب خدعه وخطه
اسراي واسراك امتلأ منهم الحوش
عزالله انه صابني منك جلطـــه
بوووش
ماقلت لك كم فيه اذاعات ودشوش
لا تكشف المعنى وانا اقول غطه
وان قالو إنا علوج واصحابنا جحوش
ماهمنا الصحاف واللي يحطه
...................................
تــحــيـــــــاتــــــــــــــــــــــــــي
محاوره شعريه بين بوش وبلير 
العرض العادي
