حركني حبي لكم وخلاني اقول هالكلام ..
فيه شخص يدخل الماسنجر باسماء متعدده رجالية او نسائية ويتحدث مع المقابل بشكل طبيعي يغلب عليه المكر مصحوبا بخفة دم "" مالت عليه وعلى خفة دمه ""
ولما يجد منك قبول له يعطيك ملف بأي صيغة .. رابط .. صورة .. او ملف عادي ويضع له عنوان جذاب ويطلب منك قبول هذا الملف ..
فإن قبلته ودع جهازك .. تسرق كل كلمات السر بل و يتدمر الجهاز ..
واسمحوا لي ان انقل لكم قصتي التي ربما هي ظريفة مع هذا المسكين .. فقد اضافني في الماسنجر قبل مدة احدهم وقبلت الاضافة وبا لامس دخل واخذ يتكلم ويسولف .. وينكت ..
انا جاريته ..
الرجال ظنني خلاص وثقت فيه فقال ابرسل لك رابط ..
هنا عرفت ان فيه بلا !!
بتقولون وين احسان الظن ؟؟ ارد عليكم واقول : قلبي دليلي !! شلون ؟؟ مدري
حط الرابط وقال ابطلع اصلي الجمعة ..
بتتأخر ؟؟
قال : 10 دقايق
سوى خروج وما مرت دقيقة الا وهو داخل ثانية
عرفت ان الرجال مو مضبوط
قال هاه .. فتحته ؟؟
قلت لا !! وش فيه الرابط ؟؟
قال اقبل وشف .. انا ابطلع اصلي
سلام
وعليكم السلام
طلع دقايق ورجع
هاه فتحته
قلت عفوا .. قبل افتحه .. الحين انت صليت ؟؟
قال اييييييييييييييييييييييييييييييييه وقام ولحقت عالخطبة بعد
قلت : بعد !! عفواً .. انت متأكد انك صليت !! اخاف انك سلقت بيض ورجعت
ولا صلاتك طاخ طربيخ سلام سلام
قال المهم افتح الرابط
قلت طيب .. وانا اقول في نفسي لازم انهي الفلم الهندي والفيل يتزوج خويته
جلست ثانيتين او ثلاث ثم
يو يو يو ..
وش ذا ؟؟
وش مرسلي انت ؟؟
الصفحات تقفلت ؟؟
يو يو يو
اتكلم وانا اتخيله ينتظر توصله المعلومات
شوي وقال متأكد انك فتحت الرابط ؟؟
قلت ايييييييييييييييييييييه
سويت خرووووووووووووووووج ؟؟
وشوي ورجعت
على طووووووووووول باغتني وقال : متأكد انك فتحته ؟؟
قلت وش مرسل انت ؟؟ وش ذا ؟؟
ما انتظر جوابي وعطاني لكمة خطافية تدل على الذكاء : عندك برنامج كاسبر سكاي حق الفيروسات ؟؟
قلت اييييييييييييييييييييييييييييه
شتتوقعون قال :
امسكوا بطونكم ..
ماسكينها ..
متاكدين ..
قال الغه وبيضبط جهازك
ههههههههههههههههههههههههه
وهنا انتهى الفلم ولا الفيل تزوج ولا حتى لقى امه
===========
يا اخوان .. ارجو محد يفهم ان الواحد يوسوس في كل شي لكن الحذر واجب
للامانه منقول ونفس القصه سامعها من واحد قبل فتره
قصتي مع الهكر اللي يسرق اميلات :) 
العرض العادي
